నేల విడిచిన సాము వద్దు
asdf jkl; టైపులో రెఫరెన్సు
షడ్జము సరిగమల్లో
ఆధార స్వరం
సివిల్ ఇంజినీరింగ్ లో బెంచ్ మార్క్ సముద్ర మట్టం
గోల్ కీపర్ యథా స్థానం లోకి రావాలి
తబలా కు లహరా రిఫరెన్స్
పిల్లకు తల్లి
పక్షికి గూడు
బెంచ్ మార్కులు రెఫెరెన్సులు లేకపోతే
ఆయా రంగాలలో కన్ఫ్యూజన్ ఖాయం
మరి
జీవితానికే రెఫెరెన్సు లేకపోతే ??
అన్ని రంగాలలో కన్ఫ్యూజన్ ,
మొత్తం అయోమయం
అందుకే ఇన్ని బాధలు, సమస్యలు
జీవితానికి అసలైన రెఫెరెన్సు అంతరంగం లోని పరా క్షేత్రం
దానితో అనుసంధానం
చేస్తుంది ఇహంను ఆనందమయం
మహర్షివర్యులు ఐక్యక్షేత్రం అనుభూతిని ప్రసాదించారు మానవాళికి
మోడరన్ టెక్నాలజీని టపాకాయలుగా అందించారు జ్ఞాన దీపావళికి
ఐక్యక్షేత్రం అనుభూతి తో ఐంది
మానవాళి
జ్ఞాన దీపావళి
మహర్షి నాకు నోట్లు ఇస్తే
నేను చిల్లర మార్చుకొని
మీముందు గలగలా శబ్దం చేస్తున్నా
భూ భారం తగ్గించండి
ధ్యానం చేస్తే మనుష్యులు తేలికై భూమికి భారం తగ్గుతుంది
తన భారం తగ్గించుకోడానికి
భూమి ఒక్కోసారి కొందరిని
వరదల ద్వారా భూకంపాల ద్వారా
చంపేస్తుంది
ప్రజలు ధ్యానం చేస్తే భూ భారం దానంతట తగ్గి
అందరూ హాయిగా జీవించే అవకాశం కలుగుతుంది
అంత సున్నితం గా ఉన్నా , కమలం మీద లక్ష్మి దేవి
నిలబడ గలిగింది
ఆకుమీద శ్రీ కృష్ణుడు వటపత్రశాయి కాగలిగాడు
పాల సముద్రం పై నారాయణుడు , లక్ష్మీ దేవి ఆది శేషులతో సహా
తేలియాడగలిగాడు
తులాభారం
జీవితంలో విజయం సాధించాలని అనుకున్నా
ఏం చేయాలని ప్రశ్నించుకున్నా
సత్యభామలా జవాబుల జాబితా యిలా రాస్తూ వున్నా
డిగ్రీలు పీహేచ్డీలు పొందు
కరాటే కత్తి సాములూ కుస్తీ పట్లు నే ర్చుకో
సకల పుస్తకాలూ , నవలలూ దిన వార మాస పత్రికలు
నాటకాలు సినిమాలు రేడియో టీవీ ప్రోగ్రాములు చదువు విను చూడు
యాక్టింగ్, మ్యూజిక్ మ్యాజిక్ డాన్సింగ్ పబ్లిక్ స్పీకింగ్ అభ్యసించు
స్విమ్మింగ్ కారు డ్రైవింగ్ లో నైపుణ్యం సాధించు
హరికథలు బుర్ర కథలు స్వాములు ఇచ్చే ఉపన్యాసములు
రాజకీయ నాయకుల సందేశాలు శ్రద్ధగా ఆలకించు
మొక్కలు నాటు రోడ్డులు ఊడ్చు
జాబితా పూర్తి కావడం లేదు
జీవితం లో ఇవన్నీ ఎలా నేర్చుకోవడం ఎపుడు పోరాడడం
విజయం కాదు పరాజయం ఖాయం అనుకుంటూ వున్నా ........ .. ఆ తరుణం లో
కృష్ణుణ్ణి గెలిచినా రుక్మిణిలా ధ్యాన శిక్షకులు
భావాతీత ధ్యాన తులసిదళం నాకు ప్రసాదించారు
''సత్య అనుసంధానం చేసుకో
నిత్య విజయాలు అందుకో''' అంటూ
ధ్యానం చేసింతర్వాత తెలిసింది ఓ మరచిన చిన్న మాట
''సత్యమేవ జయతే'' అనే రతనాల మూట
పోనేల కాశీ పోనేల మధురా
నా అంతరంగం
సకల
శ్రీరంగం
లక్ష్మీ నివాసం
శారదా పీఠం
సుగుణాలవాలం
బహు పుణ్య స్థలం
భావాతీతం ఐక్య క్షేత్రం
సధ్గంగ తీర్థం
సత్సంగ అర్థం
వైకుంఠ ధామం
కైలాస శిఖరం
జ్ఞాన దీపం
విజ్ఞాన బాండాగారం
బ్రహ్మలోకం
పరంధామం
గురుదేవుల కృపతో
అనునిత్యం
దర్శన సాధ్యం
అవశ్యం ఆరాధ్యం
చేయాలి నా ప్రతి స్పందన అందరికి శుభం
తేవాలి నా ప్రతి కార్యం అందరికీ లాభం
సైన్సు తన చాదస్తం వదిలితే అది ఆర్టు అవుతుంది
ఆర్టు తన మత్తు వదిలితే అది సైన్సు అవుతుంది
తారకం తారకం తారకం
భావాతీత ధ్యానం
గురుదేవుల వరం
కృష్ణుడు అర్జునుడికిచ్చ్చిన ఉపదేశం
దక్షిణామూర్తి శిష్యులకిచ్చిన జ్ఞాన నిశ్శబ్దం
సృష్టి లోని క్లిష్ట సందేహాలకు స్పష్ట సమాధానం
అత్యాధునిక శాస్త్రాలకు చేతన యిస్తూన్న సహస్రావధానం
సకల దేవతలు చేస్తున్న తపస్సాధనం
ఇది సరళం సహజం సులభం
తారకం తారకం తారకం
సృష్టి బీజం సృజన
సృజన సాధించు
సృష్టి గావించు
నీకు కావలసిన
నీకిష్టమైన విశ్వాన్ని
సృష్టించుకో
