ఎంతో చేద్దామని

ఎంతో చేద్దామని
మరెంతో సాధిద్దామని
ఇంకెంతో నేర్చుకున్నాను
సమకూర్చుకున్నాను

అంతా సాధించడానికి
ఇసుమంత కూడా చేయనవసరం లేదని తెలుసుకున్నాను
అంతా సాధిస్తూ
ఏమీ చేయని దేవుడనయ్యాను
బ్రహ్మనయ్యాను
రాతి బొమ్మనయ్యాను

శిష్య బృందం

శిష్య బృందం కాని ఒక తరగతి లో విద్యార్థులు కాని
వీరందరూ మొలకెత్తుతున్న నారు మళ్ళు
తదుపరి, ఒక్కొక్క నారు విడిగా ఎదగాలి
మహావృక్షం కావాలి
కల్ప వృక్షం అవ్వాలి 

రాగాలలో వేద శాస్త్రాలు ధ్వనించాలి
దేవ  గంధర్వుల గాన మాధుర్యం అందాలి 

మాట

మాట

మాట ఓ ఆటలా ఉండాలి
దాని నుండి పాట  వినిపించాలి
సెలయేటి నీటిలా సునాయాసంగా సాగి పోవాలి
ఆ నీటి తేట లో బరువు గుండెలు సేద తీర్చుకోవాలి
మనసు లోని  గాయాలు మాయమవ్వాలి
నీ గుండెలోని తీపి తేనియ ను వినువారి నాలిక్కి అందించాలి
తీపి  తింటున్నానా  లేక వింటున్నానా 
అనుకునేట్లు
అనుకోనట్లూ
చల్లగా మెత్తగా పలికించు
అందమైన పరిమళాలు కురిపించు 

పండుగలూ పబ్బాలూ

పండుగలూ పబ్బాలూ
నోములూ వ్రతాలూ
ఇప్పుడు ఇసుక మేట వేసిన ఆనకట్టలు

ఒకప్పుడు వీటిద్వారా
చేతన విద్యుథ్చక్తిలా
ప్రవహించేది
జీవనం ఆనందమయం గావించేది
ఇప్పుడూ   ఇవన్నీ ఉన్నాయి , ఫిజికల్ గా  మాత్రమే
చేతనా విద్యుత్తు ప్రవహించడం లేదు 
ఇసుక మేటలు తీసి వేయ్
విద్యుత్  ప్రవాహాన్ని ఏర్పాటు చేయ్ 

ఎవరు

ఎవరు

 చేతుల్నీ కాళ్ళనీ
నేను నా ఇష్టప్రకారం ఆడిస్తున్నాను
కానీ
గుండెని ??
గుండె ఎవరి ఇష్టప్రకారం ఆడుతూందో  

సాగిపో

సాగిపో

కళా సాధకుడా
ప్రేక్షకుల ప్రశంసాభినందనలతో ఆగకు
వారి వహ్వాలు
నీకు పైమేట్టుకు ఆహ్వానాలు

కావు అవి
నీ లక్ష్యసాధనకు చిహ్నాలు

ఇంకా నీవు ముందుకు పోవాలి
వారి వహ్వాలు నీ పూజలుగా మారాలి
ప్రశంసలు నీ ఆరాధనగా మారాలి

నీ ద్వారా
వారి కళాభిలాష
కళా పిపాసగా మారాలి
వారు కళా తపస్వులుగా ఎదగాలి
కళగా పెరగాలి  

జీవించు అలవోకగా

జీవించు అలవోకగా
ఓ ఈకగా
తేలికగా
సాధించు అవలీలగా
లీలగా
అతని లీలగా

మంచితనం ఎక్కడ ఉంది

మంచితనం ఎక్కడ ఉంది

మంచితనం కావలసినంత ఉంది
మనలో
మనసులో
మనసు లోతుల్లో 

దాగిన విషయాలు

దాగిన విషయాలు
ఏ  రాగాల లొ   ఏ లెక్కలు దాగి యున్నవో
ఏ రాళ్ళ లో   ఏ దేవుళ్ళు వేచి యున్నారో

ఆనంద భాండాగారపు

ఆనంద భాండాగారపు
తలుపులు   తట్టాను
తాళాలు విడగోట్టాను
నాడులలో సంచలనం
చేతనా ప్రచలనం
క్రొత్త దారులు వెతుకుకుంటున్నాను నాలో
క్రొత్త ప్రదేశాలను దర్శిస్తున్నాను ఏవేవో
స్పర్శిస్తున్నాను, తీసుకొస్తున్నాను నా ఏలుబడిలో 

నువ్వా నేనా

నువ్వా నేనా 

దేవుడు లేడంటున్నారు కొందరు
వున్నది మేమే అని వీరి పొగరు 

మీరు లేరంటున్నాడు   దేవుడు 
వున్నది నేనే అని వీడి వాగుడు 

దేవుణ్ణి మేమే సృష్టించామని కొందరి  అహంకారం 
మిమ్మల్ని నేనే సృష్టించానని దేవుడి దురహంకారం 

 నాలో ప్రాణమై నను పెంచుతున్నావు నీవు
నేనుండి నీ ప్రాణమై నిను పెంచుతున్నాను నేను 

నేనున్నాను నీవుగా 
నీవున్నావు నేనుగా  

జీవితమే వొక పండుగ 
చాలించు వాదాలు  దండుగ 

poetry is కవిత ఓ పొంగు

poetry is 
కవిత ఓ పొంగు
భావాల పొంగు
పట్టరాని ఆనందపు హంగు
ఎనలేని ఉత్సాహపు రంగు
అది మంచి మాటల వెల్లువ
మాటల్లోని మంచి యొక్క విలువ

a overflow of creativity
expressed in terms of deep and subtle emotions
which are not bound by any limitations of the so called rationality
it's a play like that of  child,playing with it self 
craving for a dynamic action for a fast progress
it's a flow of orderliness,it's value 
it's a flow of lowered entropy structure of words, 
not just feelings and emotions