లలిత కళలు నేర్చుకోవాలని ఉందా ?
అయితే
లాలిత్యము పెంచుకో నీలో ముందు
అంతర్ దర్శన్ టీవీ లో
వ్యక్త అవ్యక్తాల మధ్య ఆటల పోటీ
దేశకాల పరదాకు ఇరువైపులా వీరిద్దరి భలే సరదాలు
జరుగుతూనే ఉంది
నిత్యం డ్రా అవుతూ వుంది
ఎందుకంటే
అవ్యక్తం అంటోంది నేను హద్దుల్లేని అనంతాన్ని అని
వ్యక్తం అంటోంది నేను హద్దులు కలిగిన అనంతాన్నిఅని
అవ్యక్తం అంటోంది నేను ఏ పరిమాణం లేనిదాన్ని అని
వ్యక్తం అంటోంది నువ్వు ఉండడానికి నేనే నీకు
అన్ని పరిమాణాలు ఉన్న ఇండ్లు కట్టించాను
నీకు అద్దెకిచ్చాను అని
అవ్యక్తం అనుకుంది వ్యక్తాన్ని కాల్చి వడబోసి
నిఖార్సయిన అవ్యక్తం గా మారుద్దాము అని
తక్షణం
మంటలు తగిలించాడు మార్తాన్డుడు
ఆ మంటల సెగలు తగిలి సృష్టి పరిణితి అవుతూ ఉంది
శుద్ద్ద చైతన్యం వైపు పరుగెడుతూ వుంది
నారాయణుని చేరి నవ్యమవుతూ ఉంది
సమాధానం తెలిసి అవ్యక్తం అవుతూ వుంది
ఏమీ తెలియక ఎంతో గడ్డి తిన్నాను
కుడితి నీళ్ళు తాగాను
సైన్సు టెక్నాలజీ నేర్చాను
చేతనా స్రవంతిలో అంతా పారబోషాను
అంతా ఎంతో విలువ సంపాదించుకొంది
పాలలా అమృతంలా
వెలికి వస్తూ వుంది
ఏమేమో చేద్దామని దేవుడి దగ్గిర కెళ్ళాను
ఏమీ చేయక్కరలేని దేవుడినయ్యాను