దివ్యకళ
పురుష దివ్య దృష్టి
అవ్యక్త కళా సృష్టి
అక్షరం నేర్చుకో
ఎచట నుండి వూరుతూన్నదీ కవిత
అనుక్షణం ఉదయించే నవ్యత
కవిత నవ్యతా ఝరి
సృజనతో నిండిన కుండ చేసే చప్పుడు
నిండుకుండ చేసే చప్పుడు
నిండైన నిశ్శబ్దం చేసే అలజడి
ఇహం పరం సాధించాలనుకుంటే
కడిగిన ముత్యం లా
సానబెట్టిన వజ్రంలా
వెలుగుజిమ్మే రత్నంలా
ఉండాలనుకుంటే
తీయని కలగా
కమ్మని రుచిగా
వెన్నెల రేయిగా
మారాలనుకుంటే
పదునుపెట్టిన చాకులా
ఎదురులేని మాటలా
గురితప్పని బాణంలా
కావాలనుకుంటే
ఊహల అంచులకు
గుండెలలోతులకు
నీ దేవుడి చేరువకు
చేరాలనుకుంటే
సులువైన సాధనం
భావాతీత ధ్యానం